كتب أحمد عبد الباسط
تداول نشطاء موقع التواصل الاجتماعى "فيسبوك" الدعوة التى نشرتها صفحة "أماكن" للرحلة "باب الدنيا" التى انتهت بكارثة وأدت إلى وفاة 4 أشخاص وإصابة 4 آخرين، حيث جاءت تفاصيل الرحلة كالتالى: "رحلة إلى جبل باب الدنيا فى جنوب سيناء"، "الرحلة ديه هتكون من الرحلات اللازم تطلعها مره فى العمر وكمان فرصة لانها بتتعمل قليلة جداً فى مصر، متفكرش كتير ظبط اجازاتك وحضر اغراضك وتعالى معانا"، "رحلة 3 أيام بليلتين"، "اليوم الأول: مع بداية الرحلة هنسيب كل متعلقاتنا الشخصية فى الكامب ومش هناخد غير حقيبة صغيرة فيها الحاجات الأساسية وهنمشى فى سكنات البدو فى اتجاه الجبل ومعانا الجمال شايله متعلقتنا، وبعد كده هنقف شويه نرتاح، ونتغدى، وبعدين نكمل مشى وهنستمتع بالمساحات الخضرة والمياه التى يحتويها الأحواض المائية عشان كده لازم نعمل حسابنا فى المايوة، وبعدين نتغدى فى منطقة الشلال وبعد مانستريح شوية نكمل الرحلة إلى منطقة فرش الرمان، وهى دى هتكون منطقة التخييم، المنطقة بها ما يشبه حمامات صغيرة تحوى صنابير مياه ممكن الاستحمام فيها لو حابيين (أو احتمال تكون الميه قليله)".
وتابعت الدعوة: "اليوم التانى: هتزداد الرحلة إثارة لمل نمر على شق جبلى أشبه بالوادى، وهنتسلق الجبل لحد ما نوصل إلى «جبل الباب»، وأثناء التسلق هنشوف المياه المتصاعدة إلى أعلى من خلال قنوات جبلية، ومن الصخور، ولما نوصل إلى قمة جبل الباب هنشوف مدينة الطور وخليج السويس، يرتفع جبل الباب (باب الدنيا) إلى ما يقرب 1850 مترا، وبعد ما نستمتع بالمنظر الخلاب وناخد شويه صور للذكرى، نبدأ فى النزول إلى أسفل، وهنعدى على جبل عباس يبلغ حوالى 1700 متر من سطح البحر، وبعد كده نتغدى ونمشى تانى بين الوديان والاستمتاع بالطبيعة والسكون ثم الوصول إلى منطقة التخييم وادى جليع والعشاء".
"اليوم التالت": "هنصحى الصبح نفطر ونكمل طريقنا إلى زواتين وبعدين نتغدى وبعد كده نكمل طريقنا إلى المخيم فى البلد وبكده نبقى وصلنا لنهاية الرحلة، نلم حاجاتنا ونرجع إلى القاهرة إن شاء الله يوم الأحد، 16 فبراير وهنوصل تقريباً الساعة 11:30 مساءً".
تكلفة الرحلة: 650 جنيها لأعضاء أماكن، و730 جنيها للأعضاء الجدد.
الرحلة شاملة :
1. مواصلات فى أتوبيس خاص
2. مبيت فى كامب أول يوم
3. يومين تخييم فى منطقتين (فرش الرمان، وادى جليع)
4. أول يوم (فطار، غداء، عشاء)
5. تانى يوم (فطار، غداء،عشاء)
6. تالت يوم (فطار،غداء)
7. مرشد متخصص فى النباتات الطبيعية
8. جمال لحمل أمتعتنا
9. زجاجة مياة كل يوم
10. مفاجآت تانيه مع "أماكن"
الرحلة غير شاملة :
.سليبنج باج أو خيمة (ابعتلنا لو عاوز اماكن بتبيعهم )
.اى حاجة غير مذكورة فى البرنامج.
موضوعات متعلقة..
