التعليم: تشديد الرقابة على أكثر من 15لجنة بالثانوية لضبط سير الامتحاناتحملة "مصر —اكتشف و استثمر" ضيف في كافة فعاليات كأس العالم ..صورطلاب الثانوية العامة قبل دخولهم لجان الامتحان: نشعر بالقلقفى ذكرى استسلام فرنسا بمعركة دونكيرك.. قصة الانسحاب الأعظم فى القرن العشرينجريزمان يخرج من مران منتخب فرنسا بسبب إصابة بكدمة في الساقميرهان حسين: لن أهمل الغناء مرة أخرى وأحضر لأكثر من "سنجل"الفراعنة فى مهمة "تحنيط" الدب الروسى بالمونديال.. الليلةتعرف على أكثر الفئات العمرية اشتغالا فى كل مهنةبعد 11 عاما من عرض "نور" .. تعرف على النجم السورى الذى أدى شخصية مهند"العرضحالجى" محامى الغلابة يحمى المواطنين من الروتين الحكومى وجشع المحامينغادة والي تتابع الحالة الصحية للفنانة المعتزلة آمال فريدحملة مصر - اكتشف واستثمر ضيف أساسى بفعاليات كأس العالم.. صورالتعليم تتابع وصول أوراق الفيزياء والتاريخ لجميع لجان الثانويةبالفيديو- تعرف على أشهر قبلات المذيعين على الهواء%79 من القراء يؤيدون مطالب استبدال عقوبة حبس الغارمات بالخدمة العامة"الزراعة": حظر زراعات الموز بالدلتا وتطبيق الرى الحديث بحدائق الفاكهةالأرصاد: طقس اليوم حار على الوجه البحرى.. والعظمى بالقاهرة 37 درجةصحتك فى وصفة.. الشمام والكرفس لإدرار البول وعلاج الإمساكانتظام 5 من لاعبي الزمالك في التدريباتالتعليم: أسئلة الفيزياء والتاريخ المتداولة على مواقع التواصل غير حقيقية

الطوفان (شعر)

-  
ريشة الفنان حلمي التوني

حُط ولدك.. تحت رجلك

لو ف يوم ييجى الطوفان

حكمة قالها جد جدك بس قالها من زمان

جد جدك كان حكيم بس والله العظيم

الكلام ده مش سليم!!

لمّا ولدى تحت رجلى يبقى مين فوق الكتاف؟!!

ولدى لجله عشت عمرى

باتحرم م اللقمة حاف

ولدى أشيله فوق كتافى

وأمشى بيه ع الجمر حافى

وأترعب لو يوم جبينه يبقى بس شوية دافى

لو ماكنتش أخاف على ابنى

يبقى أنا على إيه هخاف؟!!

لمّا ولدى تحت رجلى يبقى مين فوق الكتاف؟!!

ولدى من ساعة ما شرّف اتولد قلبى الحِنيّن

كل شىء ف الكون يقرّف

شُفته شىء تافه.. وهيّن

حتى أحلامى اللى كانوا بالتراب متغطيين

واللى تاهوا واللى هانوا واللى كانوا مغمّضين

لمّا شفته بعينى بانوا من جديد متلمّعين

قلت أحلمهم عشانه والزمن فتّح وشاف

لمّا ولدى تحت رجلى يبقى مين فوق الكتاف؟!!

رغم كل الاحترام.. والتحية.. والسلام

رغم ودى.. رأى جدى- لو هيسمح- مش تمام

بعض أمثالنا القديمة.. ضد فطرتنا السليمة!!

يبقى أجدادنا الحكيمة يسمحوا لنا بالخلاف

لمّا ولدى تحت رجلى يبقى مين فوق الكتاف؟!!

ريشة الفنان: حلمى التونى

شعر: أسامة عبد الصبور

لمطالعة الخبر على المصرى اليوم

أخر الأخبار

الاكثر مشاهدة