بتكلفة 5.7 مليار جنيه.. "رفع كفاءة محطة معالجة الصرف الصحي بأبورواش"وزير الرى يرأس اجتماعا يضم قيادات 9 وزارات لمناقشة خطة ترشيد المياهضبط 600 زجاجة زيت شعر وكريمات مجهولة المصدر بالغردقةرأس الخيمة تطلق مبادرة "التأجر الافتراضي"شركة طيران روسية منخفضة السعر تدرس تسيير رحلات إلى مصرتقارير: الصين تخطط لإنهاء القيود على عدد المواليدضبط 16 حالة غش في امتحانات جامعة المنيامحافظ بنك إنجلترا يتوقع تعافي الاقتصاد ورفعا تدريجيا للفائدةعاجل| مقتل أكثر من 250 مسلحا حوثيا بمواجهات مع المقاومة بعملية الحديدةمحافظ القاهرة: نجاح منظومة «منارة» فى التواصل مع النواب إلكترونيًاالكهرباء: 9 آلاف و600 ميجاوات زيادة احتياطية متاحة عن الحمل المتوقع اليومرئيس الوزراء: حريصون على توفير مناخ جاذب للاستثمارات20 رحلة تغادر مطار القاهرة لنقل 3900 معتمر إلى الأراضي المقدسةرئيس جامعة سوهاج يتفقد لجان امتحانات كليتى الآثار والألسن"أمن القليوبية" ضبط مصنع "بير السلم" لتعبئة السكر فى الخانكةنقابيو اندية قناة السويس يطالبون بتدخل الرئيس لوقف التعنت ضد مرشحيهموفد من اليونسكو والفاو يزور منطقة آثار أبو مينا فى الإسكندريةنجمات دراما رمضان يصدمن الجمهور بالملابس الجريئة.. هيفاء وهبي بالـ«هوت شورت».. ودينا الشربيني بالفساتين القصيرةرزان مغربي لـ«صدى البلد»: اكتشفت خفة دم أحمد فتحي وعبد الله السعيد في «اللعيب مع رزان ومهيب»مشوار الراحلة سعاد نصر في برنامج «سيرة الحبايب» اليوم

صحيفة سوابقكم!

-  

لم يكد يظهر عم صلاح الموجى، فدائى حلوان، على شاشات الفضائيات، حتى ظهر من يشوه بطولته كالعادة.. أخرجوا له صحيفة سوابق «مضروبة»، وقالوا فيه ما قال يوسف زيدان فى صلاح الدين وأحمد عرابى وأدهم الشرقاوى.. إحنا متخصصين فى تشويه رموزنا وأبطالنا.. إحنا عار على مصر!

(1)

رن جرس التليفون: يرد ضابط المباحث «مرتبكاً»: أفندم.. الباشا: إنت شفت الواد صلاح بتاع حلوان؟.. الضابط يتنفس بهدوء: أيوه يا فندم.. الباشا: الواد عامل نفسه بطل قومى.. داهية يتجنن ويرشح نفسه لانتخابات الرياسة.. الضابط: مش للدرجة دى، الحكاية إن الناس فرحانة شوية.. الباشا: إنت مش فاكر الواد ده؟.. الضابط: فاكر فاكر طبعاً.. الباشا: طلع صحيفة سوابقه، وسربها للصبيان بتوعنا!

(2)

الضابط: اطلبى لى حد من الولاد اللى بييجوا هنا ياخدوا الفضايح.. أمين الشرطة: تمام يا فندم.. تحب مين فيهم؟.. الضابط: عاوزين ولد دكر ينفذ المطلوب.. الأمين: إيه المطلوب؟.. الضابط: عارف صلاح الموجى.. «البطل القومى!».. الأمين: والله هى أرزاق بس.. ماله؟.. الضابط: طلع لى صحيفة سوابقه وابعتها لصحيفة «الأسرار».. الأمين: يا فندم مش وقته!.. الضابط: عاوز تقول إنك بتفهم.. دى مطلوبة!

(3)

الأمين: إنت فين يا نجم النجوم؟.. «زعبولة»: تحت أمرك يا باشا.. الأمين: عندى لك سبق صحفى.. زعبولة: مش مصدقك!.. الأمين: وحياتك قنبلة هتهزّ الدنيا.. زعبولة: الحقنى أوام الحقنى.. إوعى تديها لحد تانى!.. الأمين: إنت اللى هتغنى يا منعم!.. زعبولة: طب قولى!.. الأمين: الواد صلاح بتاع حلوان سوابق.. زعبولة: يا نهار اسود بتتكلم جد.. الأمين: آدى صحيفة السوابق.. زعبولة: دى مصيبة دلوقتى!

(4)

«زعبولة» يجرى لينشر الفضيحة.. لم يجد فى صالة التحرير غير «حشكولة» رئيس قسم الفضائح.. عرض صحيفة السوابق.. وقال له: «انفراد.. قنبلة الموسم».. أجرى حشكولة اتصالاً بالأستاذ «قلة».. بعد البهارات والذى منه.. حشكولة: عندى مانشيت بكرة.. قنبلة الموسم.. قلة: إيه شوقتنى!.. حشكولة: الموجى سوابق رسمى.. قلة: رسمى فهمى نظمى!.. حشكولة: أيوه!.. قلة: انشر.. ملناش دعوة، معانا مستندات!

(5)

إقرا الفضايح.. «الموجى مسجل خطر.. لا بطل ولا فدائى».. الضابط: يا فندم افتح صحيفة «الأسرار».. الباشا: يخربيتك.. إيه ده كله؟.. معرفكش!.. الضابط: تلاميذك يا فندم.. الباشا: بس الواد زعبولة ابن جنيّة. الضابط: ده من رجالتى.. وإحنا كلنا رجالتك.. الباشا: الناس بتقول إيه؟.. الضابط: رد فعل سلبى للأسف.. الباشا: يعنى إيه؟.. الضابط: بيقولوا «صلاح أشرف منكم.. دى صحيفة سوابقكم»!.

لمطالعة الخبر على المصرى اليوم